Olimpiya o‘yinlari paytida Parijda 31-iyul kuni havo sifatining yomonlashuvi qayd etildi.

Sportchilar ko‘zlar qichishi, yo‘tal, bo‘yin og‘rig‘i kabi alomatlarga duch kelgani sababli mutaxassislar ochiq havoda mashq qilishni cheklashni tavsiya qilmoqdalar.

Match TV telekanalining xabar berishicha, meteorologlar 31-iyul, chorshanba kuni Parijda havo sifati yomonlashishi haqida ogohlantirgan.

Ozon dominant ifloslantiruvchiga aylandi. Mutaxassislarning ta’kidlashicha, agar alomatlar paydo bo‘lsa (ko‘zlarda qichishish, yo‘tal, bo‘yin og‘rig‘i va boshqalar), ochiq havoda mashq qilishni cheklash tavsiya etiladi.

Havo sifati Olimpiada paytida yuzaga kelgan yagona ekologik muammo emas. O‘yinlar oldidan Sena daryosida suvning yuqori darajada ifloslanishi qayd etilgan, bu esa sportchilarda ichak va teri infeksiyalarini keltirib chiqarishi mumkin.

Senada suv ifloslangani sababli triatlonchilar uchun musobaqa oldidan ikkita mashg‘ulot bekor qilindi, erkaklar o‘rtasidagi musobaqa esa qoldirildi.