Конор Галлахер "Челси" билан янги ва яхшиланган шартномани рад этди.
“Кўклар” 24 ёшли ярим ҳимоячига 2+1 кўринишидаги маоши кўпайиб, клубнинг энг кўп маош олувчи футболчилари билан таққосланадиган шартнома таклиф қилишди, бироқ Галлахер бунга рози бўлмади.
У июн ойида "Челси"нинг аввалги таклифини рад этганди. Унинг шартномаси 2025 йилнинг июнигача амал қилади.
Хабар қилинишича, Мадриднинг “Атлетико” клуби “Челси” билан Галлахернинг трансфери бўйича 35-40 миллион еврога деярли келишиб олган, инглиз эса ҳали испан клуби билан шартнома борасида келишиб улгурмаган.
