Туриннинг "Ювентус" клуби ҳужумчиси Аркадиуш Милик ушбу трансфер ойнасида жамоасини тарк этишни истамаяпти. Эслатиб ўтамиз, аввалроқ "кекса сеньора" раҳбарияти польшалик футболчини сотувга қўйганди.
Tuttosport хабарига кўра, "Ювентус" ҳужумчиси янги бош мураббий Тиаго Моттани ҳайратда қолдирмоқчи. Олдинроқ италиялик мутахассис "Наполи"нинг собиқ ҳужумчиси хизматларига муҳтож эмас, деган қарорга келганди. Бироқ Аркадиуш мутахассисни ишонтирмоқчи.
Италия А сериясининг сўнгги мавсумида Милик 32 та ўйинда 4 та гол ва 1 голли узатмани амалга оширди. Аввалроқ 30 ёшли польшалик Францияда “Марсель” сафида ўйнаган.
