Turinning "Yuventus" klubi hujumchisi Arkadiush Milik ushbu transfer oynasida jamoasini tark etishni istamayapti. Eslatib o‘tamiz, avvalroq "keksa senyora" rahbariyati polshalik futbolchini sotuvga qo‘ygandi.
Tuttosport xabariga ko‘ra, "Yuventus" hujumchisi yangi bosh murabbiy Tiago Mottani hayratda qoldirmoqchi. Oldinroq italiyalik mutaxassis "Napoli"ning sobiq hujumchisi xizmatlariga muhtoj emas, degan qarorga kelgandi. Biroq Arkadiush mutaxassisni ishontirmoqchi.
Italiya A seriyasining so‘nggi mavsumida Milik 32 ta o‘yinda 4 ta gol va 1 golli uzatmani amalga oshirdi. Avvalroq 30 yoshli polshalik Fransiyada “Marsel” safida o‘ynagan.
