"Манчестер Юнайтед" ва "Арсенал" ўртасидаги ўртоқлик учрашувида (1:2) манкунианликларнинг 2 нафар футболчиси жароҳат олди.
Марказий ҳимоячи Лени Йоро 3 ойга, ҳужумчи Расмус Хейлунд эса 6 ҳафтага сафдан чиқди.
The Telegraph хабарига кўра, бу ҳолатлар "қизил иблислар"ни янги ҳужумчи ва марказий ҳимоячи билан шартнома имзолашни тезлаштиришга мажбур қилиши мумкин.
Манкунианликлар марказий ҳимоячи позициясига "Бавария"дан Маттейс де Лигт ва "Эвертон"дан Жерред Брэнтуэйт вариантини кўриб чиқмоқда. "Қизил иблислар"нинг сўнгги таклифи Брэнтуэйт учун 45 миллион фунт ва бонуслар сифатида 5 миллион фунт стерлинг эди, аммо "Эвертон" футболчини 75 миллион фунтдан камига қўйиб юборишни истамаяпти.
"Брентфорд"дан Айвен Тони ҳужумчилар орасида асосий номзод.
Эслатиб ўтамиз, Йоро “Манчестер Юнайтед”га июль ойи ўрталарида “Лилль”дан 62 миллион евро эвазига ўтган эди.
