"Manchester Yunayted" va "Arsenal" o‘rtasidagi o‘rtoqlik uchrashuvida (1:2) mankunianliklarning 2 nafar futbolchisi jarohat oldi.

Markaziy himoyachi Leni Yoro 3 oyga, hujumchi Rasmus Xeylund esa 6 haftaga safdan chiqdi.

The Telegraph xabariga ko‘ra, bu holatlar "qizil iblislar"ni yangi hujumchi va markaziy himoyachi bilan shartnoma imzolashni tezlashtirishga majbur qilishi mumkin.

Mankunianliklar markaziy himoyachi pozisiyasiga "Bavariya"dan Matteys de Ligt va "Everton"dan Jerred Brentueyt variantini ko‘rib chiqmoqda. "Qizil iblislar"ning so‘nggi taklifi Brentueyt uchun 45 million funt va bonuslar sifatida 5 million funt sterling edi, ammo "Everton" futbolchini 75 million funtdan kamiga qo‘yib yuborishni istamayapti.

"Brentford"dan Ayven Toni hujumchilar orasida asosiy nomzod.

Eslatib o‘tamiz, Yoro “Manchester Yunayted”ga iyul oyi o‘rtalarida “Lill”dan 62 million yevro evaziga o‘tgan edi.