"Лацио"да спорт директори лавозимини эгаллаб турган Анжело Фабиани клубнинг ҳужумкор ярим ҳимоячи Хамес Родригес билан шартнома имзолаш истаги ҳақидаги маълумотларга жавоб берди.
“Мен ҳеч қачон Хамес Родригес билан шартнома имзолашни истамаганман, бу ҳақиқатга тўғри келмайди. Миш-мишлар сохта. Хамес 33 ёшда ва сўнгги йилларда 12-13 тадан ортиқ ўйин ўтказмаган. У Америка кубогида яхши ўйнади, аммо биз Хамесга қизиқмаяпмиз”, деди Фабиани Radio Sei нашрига.
Олдинроқ матбуотда Хамес Родригес Мадриднинг "Райо Вальекано" клуби билан келаси ҳафта шартнома имзолаши мумкинлиги ҳақида маълумот пайдо бўлганди.
