UFC президенти Дана Уайт аралаш яккакураш бўйича ирландиялик жангчи, икки вазн тоифасида собиқ чемпион Конор Макгрегорнинг октагонга қайтиши ҳақидаги саволга жавоб берди.
“Конор қачон қайтишини билмайман. У тайёр бўлганда, у менга хабар беради. Шунинг учун ҳозир мен бу ҳақда ўйлаганим йўқ. Конор ҳақида гапиргим йўқ”, деди Уайт ТNТ Sports YouTube каналида.
Маълумот учун, шу йилнинг июн ойи охирида Макгрегор америкалик Майкл Чандлер билан жанг ўтказиши керак эди. Улар UFC-303 да жанг қилишлари керак эди. Аммо ирландиялик жангга тайёргарлик чоғида оёқ бармоғи синганидан сўнг жанг бекор қилинди.
Конор 2021 йилнинг ёзида америкалик Дастин Порьега мағлуб бўлганидан бери октагонга чиқмади.
