"Вильярреал" ҳужумчиси Александр Серлот Мадриднинг "Атлетико" клубига ўтишга рози бўлди, деб хабар беради AS нашри. Энди ҳаммаси клубларга боғлиқ.
Футболчининг товон пули миқдори 38 миллион еврони ташкил қилади. "Сув ости кемаси" бу миқдорни камайтирмайди, лекин бўлиб-бўлиб тўлаш вариантини кўриб чиқишга тайёр.
Норвегиялик футболчи сўнгги мавсумда "Вильярреал"нинг энг яхши тўпурари бўлди. Ўтган мавсумда 28 ёшли ҳужумчи барча турнирларда 41та ўйин ўтказиб, 26та гол урган ва 6та голга ассистентлик қилган.
"Атлетико Мадрид" Артём Довбикни қўлга кирита олмагач, Серлот вариантига ўтди. "Жирона" форварди "Рома"га ўтишга қарор қилди.
