Виктор Фонт Лионель Мессининг "Барселона"га қайтиши ҳақида гапирди.
Каталония клуби президентлигига собиқ номзоднинг сўзларига кўра, агар у президент этиб сайланса, сўнгги ўн йил ичида "Барселона"ни тарк этган, кўпчилиги бошқа клублар ва лигаларда ҳамон ишлаётган ва муваффақиятларга эришаётган юлдузларни қайтариб олиб келарди.
"Мен Хави, Месси, Карлес Пуйоль, Пеп Гвардиола ва Хавьер Асенси ("Интер Майами"нинг бизнес операциялари президенти ва "Барса - Спорт"нинг собиқ бош тижорат директори) каби одамлар қайтиб келиб, клубга фойда келтирадиган лавозимларни эгаллашлари учун шароит яратган бўлардим.
Бу бизнинг қийинчилик ва катта имкониятимиз. Уларнинг барчаси ҳали ҳам "кулес" ("Барселона" мухлислари - муаллиф), уларнинг барчаси ҳали ҳам бу клубни жуда яхши кўришади.
Агар улар бу ерда бўлмаса, бу уларнинг қайтиши учун қулай шароит яратилмагани учундир", — деди Фонт.
