"Челси" ярим ҳимоячиси Андрей Сантос 2024/2025 йилги мавсумни ижара асосида Франциянинг "Страсбург" клубида ўтказади. Бу ҳақда инглиз клуби расмий сайти хабар берди.
"20 ёшли футболчи ўтган мавсумнинг иккинчи ярмини француз клуби сафида ўтказди ва бу даврда у 11 ўйин ўтказиб, битта гол урди. У ёзги АҚШ гастролимизни тарк этди ва Франция чемпионатида "Страсбург" билан ўз ривожланишини давом эттиради. Омад тилаймиз, Андрей!" - дейилади "Челси"нинг баёнотида.
Андрей Сантос 2023 йил қишки трансфер ойнасида бразилиялик "Васко да Гама" клубидан 12,5 миллион евро эвазига "Челси"га ўтганди. Transfermarkt порталига кўра футболчининг тахминий нархи 15 миллион еврони ташкил қилади.
