Ярим ҳимоячи Хамес Родригес «Сан-Паулу» билан шартномасини муддатидан олдин бекор қилиш борасида келишиб олди. 33 ёшли колумбиялик футболчи трансферидан бир йил ўтиб жамоани тарк этади.
"Globo Esporte" маълумотларига кўра, Хамес клубдан бонусларининг 75 фоизини йўқотган, бу 3 миллион Бразилия реали атрофида. У энди эркин агент ва бошқа жамоага текинга ўтиши мумкин.
Йил давомида Хамес «Сан-Паулу» сафида 22 та ўйинда майдонга тушиб, 2 та гол урган. 2024 йилги Америка кубоги якунида у турнирнинг энг яхши футболчиси деб топилди.
