Мюнхеннинг "Бавария" клуби спорт директори Ян-Кристиан Дризен жамоага янги келган португалиялик ярим ҳимоячи Жоау Палинья ҳақида гапирди.
“Палиньянинг трансферидан жуда хурсанд бўлдим. Биз ўтган йили бу футболчини қўлга киритмоқчи эдик. Унга бўлган ишончимиз эса ўзгармади. Аммо кейин трансфер амалга ошмади, чунки "Фулхэм" унинг ўрнига футболчи топа олмади. Энди биз Жоау шу ерда эканидан хурсандмиз. У жамоамизни кучайтиради", - деди функционер.
Эслатиб ўтамиз, португалиялик ярим ҳимоячи шу йилнинг ёзида “Бавария”га ўтган эди. Битим суммаси 51 миллион еврони ташкил қилди.
