Мюнхеннинг “Бавария” клуби ва Австрия терма жамоаси ярим ҳимоячиси Конрад Лаймер Евро-2024 якунларига баҳо берди.
Эслатиб ўтамиз, ярим ҳимоячи ва унинг жамоаси ⅛ финал босқичида Туркияга 1:2 ҳисобида имкониятни бой бериб, мусобақадан чиқиб кетган эди.
"Мен турнирни ўзгача ҳиссиётлар билан тарк этдим. Аввалига Франция ва Нидерландия билан гуруҳда ғалаба қозониш жуда ёқимли эди. Якунда Туркия терма жамоасидан ⅛ финалда аччиқ мағлубиятга учрадик.
Биз жуда катта оғриқни ҳис этдик, лекин футболда ҳамма нарса тез ўзгаради. Евро-2024 натижалари таътилнинг биринчи кунларидаги кайфиятимга таъсир қилди. Бироқ, у аллақачон тугади. Энди бор эътиборимни янги мавсумга қаратганман", - дея Лаймернинг сўзларини келтиради «Бавария» расмий сайти.
