«Тоттенхэм» «Борнмут» ҳужумчиси Доминик Соланкега қизиқиш билдирмоқда. Бироқ, бу ёзда бундай трансфер амалга ошиши ёки ошмаслигини айтиш қийин. «Гилослар» Соланкени қўйиб юборишни истамаяпти, «шпорлар» эса уни сотиб олиш имкониятидан фойдаланиши даргумон. Гап 65 миллион фунт стерлинг (тахминан 76 миллион евро) миқдоридаги товон пули ҳақида кетмоқда.

Ўтган мавсумда Доминик Соланке Премьер-лигада 38 ўйин ўтказиб, 19 гол урган ва жамоадошлари учун 3 та голли узатмани амалга оширган. Ҳужумчи сентябрь ойида 27 ёшини нишонлайди.