«Tottenxem» «Bornmut» hujumchisi Dominik Solankega qiziqish bildirmoqda. Biroq, bu yozda bunday transfer amalga oshishi yoki oshmasligini aytish qiyin. «Giloslar» Solankeni qo‘yib yuborishni istamayapti, «shporlar» esa uni sotib olish imkoniyatidan foydalanishi dargumon. Gap 65 million funt sterling (taxminan 76 million yevro) miqdoridagi tovon puli haqida ketmoqda.

O‘tgan mavsumda Dominik Solanke Premyer-ligada 38 o‘yin o‘tkazib, 19 gol urgan va jamoadoshlari uchun 3 ta golli uzatmani amalga oshirgan. Hujumchi sentyabr oyida 27 yoshini nishonlaydi.