"Атлетико Мадрид" "Бавария" ярим ҳимоячиси Леон Горецкага даъвогарлар қаторида бўлиб турибди.
29 ёшли футболчининг Мюнхен грандидаги келажаги ўтган йилдан бери сўроқ остида эди, бироқ ярим ҳимоячининг ўзи ҳамон кетишни режалаштирмаган кўринади.
Журналист Флориан Плеттенбергнинг сўзларига кўра, Горецкага Мадриднинг “Атлетико” клуби қизиқиш билдирмоқда, бироқ немис футболчиси фаолиятини давом эттириш учун бу вариантни кўриб чиқмаяпти – у “Бавария”нинг янги устози Венсан Компани билан қолиш ва ўзини кўрсатишга бел боғлаган. Бошқа клублар билан музокаралар йўқ.
