Аргентина олимпия терма жамоаси ва “Ланус” клуби ҳимоячиси Хулио Солер фаолиятини “Туманли Альбион”да давом эттириши мумкин. Футболчининг хизматларига "Ливерпуль" қизиқиш билдирмоқда. Мерсисайдликлар аргентиналик футболчини Эндрю Робертсоннинг узоқ муддатга ўрнини босувчи футболчи сифатида кўрмоқда.

Аргентина клуби ҳимоячи учун тахминан 15 миллион евро таклиф қилса, у билан хайрлашишга тайёр. Бироқ Transfermarkt портали унинг қийматини атиги икки миллион еврога баҳоламоқда. Футболчининг "Ланус" билан меҳнат шартномаси 2026 йилнинг ўрталарига қадар тузилган.