Мадриднинг “Реал” клуби дарвозабони Тибо Куртуа ёзги трансфер ойнасида жамоага келиб қўшилган ёш ҳужумчи Эндрик ҳақида гапирди. Белгиялик ёш бразилияликга майдонда хотиржамроқ бўлишни маслаҳат берди.
"Эндрик жуда катта кучга эга. Эҳтимол, у бироз хотиржам бўлиши керак. Мен уни асабийлашяпти демайман, чунки "Реал"да катта ўйинларда ўйнаганда бу нормал ҳолат. У машғулотларда кўп гол уради, у жуда кучли", - деди Куртуа журналистларга.
18 ёшли Эндрик "Реал" билан 6 йиллик шартнома имзолаган эди. Ҳужумчи Мадрид клуби сафида 16-рақамда ҳаракат қилади.
