"Бавария" ҳимоячиси Маттейс де Лигт "Манчестер Юнайтед"га ўтиши мумкин. Мюнхен клубида спорт директори лавозимида ишлаётган Макс Эберл бу борада фикр билдирди.
"Де Лигтнинг "Манчестер Юнайтед"га ўтишининг сабаблари? Вақти келганда бу ҳақда фикр билдираман. Маттейс бу ерда икки мавсум яхши ўйнади ва шунинг учун ҳам кўпчилик мухлислар уни ёқтирадилар.
Лекин қарорлар қандай қабул қилиниши ва футболчининг ўзини қандай ҳис қилиши ҳақида ўйлаш керак. Ҳозир де Лигт "Бавария" футболчиси бўлиб қолмоқда. Агар шундай бўлса, у биздан барча ёрдамни олади', - деди Эберл.
24 ёшли Маттейс де Лигтни нуфузли Transfermarkt портали экспертлари 65 миллион еврога баҳоламоқда.
