"Ньюкасл" ярим ҳимоячиси Бруно Гимарайнш ҳозирги жамоасида қолишдан хурсанд эканлигини тан олди.
Бразилиялик футболчига бир неча йиллардан буён инглиз ва хориж топ-клублари қизиқиш билдирмоқда, бироқ ҳозирча ҳаммаси миш-мишлар билан чегараланган.
Янги интервьюсида ярим ҳимоячи кетишга шошилмаётганини яна бир бор таъкидлади. “Янги мавсумни “Ньюкасл”да бошлаганимдан жуда хурсандман.
Бу клубга келганимдан бери кўп нарса ўзгарди. Бу жамоанинг сардори бўлиш ҳам бахт. Мен ҳар доим бу ҳақда орзу қилардим, лекин бу содир бўлишини тасаввур ҳам қила олмасдим", - деди "зағизғонлар" билан шартномасини 2028 йилгача узайтирган 26 ёшли футболчи.
