«ПСЖ» ярим ҳимоячиси Мануэль Угарте фаолиятини «Манчестер Юнайтед»да давом эттирмоқчи.
Инсайдер Фабрицио Романонинг сўзларига кўра, 23 ёшли уругвайлик футболчи икки ҳафтадан бери Англияга трансфери якунланишини кутмоқда, бироқ клублар ҳалигача келишувга эриша олишмаяпти.
Манбага кўра, Угарте «қизил иблислар» билан шахсий шартномаси шартларини анча олдин келишиб олган. Қайд этилишича, Угарте «Манчестер Юнайтед»нинг устувор мақсади ҳисобланади.
Ўтган мавсумда ярим ҳимоячи барча турнирларни ҳисобга олган ҳолда 37 та ўйинда қатнашиб, 3 та голга ассистентлик қилган.
