«PSJ» yarim himoyachisi Manuel Ugarte faoliyatini «Manchester Yunayted»da davom ettirmoqchi.

Insayder Fabrisio Romanoning so‘zlariga ko‘ra, 23 yoshli urugvaylik futbolchi ikki haftadan beri Angliyaga transferi yakunlanishini kutmoqda, biroq klublar haligacha kelishuvga erisha olishmayapti.

Manbaga ko‘ra, Ugarte «qizil iblislar» bilan shaxsiy shartnomasi shartlarini ancha oldin kelishib olgan. Qayd etilishicha, Ugarte «Manchester Yunayted»ning ustuvor maqsadi hisoblanadi.

O‘tgan mavsumda yarim himoyachi barcha turnirlarni hisobga olgan holda 37 ta o‘yinda qatnashib, 3 ta golga assistentlik qilgan.