«Байер» клуби спорт директори Руди Феллер жамоа ҳужумчиси Андре Шюррленинг «Челси»га ўтиши борасидаги фикрларга изоҳ берди.
«Ҳа, мен ростдан ҳам Лондонда бўлдим ва бу борада «Челси» билан музокараларда иштирок этдим. Ҳозирга келиб ўртамизда ҳеч қандай келишув йўқ. Бошқа ҳеч нарса дея олмайман»,- дейди Германия терма жамоасининг собиқ футболчиси ва мураббийи Руди Феллер.
Эслатиб ўтамиз, аввалроқ футболчининг «Челси» билан 5 йиллик шартнома тузишга рози бўлгани ва Лондон жамоаси футболчи учун 20 миллион фунтнинг баҳридан ўтишга тайёрлиги айтилган эди.