"Челси" ярим ҳимоячиси Конор Галлахер "Атлетико Мадрид"га ўтмаслиги мумкин.

Англиялик футболчи жорий трансфер ойнасида "Челси"ни тарк этади, аммо аниқ қаерга кетишини ҳали ҳал қилмаган. "Атлетико Мадрид" ярим ҳимоячи учун асосий даъвогар саналади, у аллақачон "кўклар" билан келишувга эришган, аммо Галлахернинг ўзи Мадридга ўтишга шошилмаяпти. Журналист Маттео Мореттонинг сўзларига кўра, "матрасчилар" жамоаси вакиллари 24 ёшли футболчини ишонтириш учун қўлидан келган барча ишни қилишган, аммо у иштиёқ кўрсатмаяпти - у ноаниқ жавоблар билан чекланиб қолган.

“Атлетико” вазиятдан ҳафсаласи пир бўлди ва муқобил номзод – “Валенсия”дан Хави Геррага ўтишга тайёр, у билан келишувга эришилган.