Францияда бўлиб ўтаётган Олимпия ўйинларининг эркаклар ўртасидаги футбол турнирининг ярим финал босқичида Марокаш ва Испания терма жамоалари ўртасида нохуш ҳодиса рўй берди. Учрашувнинг бош ҳаками, ўзбекистонлик ҳакам Ильгиз Танташев жароҳат олиб, ўйинни бошқаришни давом эттира олмади.
Рақиб жамоаларнинг икки футболчиси майдон марказида тўқнашиб кетди, улардан бири Танташевнинг оёғига йиқилди. Шундан сўнг ҳакам бир оёғида оқсоқлана бошлади ва ишини давом эттира олмаслигини тушунтирди. Натижада унинг ўрнини швед ҳаками Гленн Нюберг эгаллайди.
