"Байер" бош мураббийи Хаби Алонсо жамоасининг 2024/25 йилги мавсумда чемпион бўлиш имкониятларини баҳолади.
"Май ойида нима бўлиши ҳақида гапиришнинг маъноси йўқ деб ўйлайман. Биз ҳозир август ойида нима бўлиши ҳақида гапиряпмиз. Қанчалик яхши бошласак, шунча яхши якунлай оламиз.
Бизда пойдевор қўйилган, аммо бу етарли эмас. Бирор нарса қўшишимиз керак, биз янгиланишимиз керак. Ўтган мавсумдаги савия етарли бўлмаса керак. Биз ривожланишимиз ва яхшироқ бўлишимиз керак", - деди Алонсо Kicker билан суҳбатда.
Леверкузен ўтган мавсумда Бундеслигада ғолиб чиқди ва "Бавария"нинг кетма-кет 11 мавсумдаги ғалабали сериясига чек қўйди.
Эслатиб ўтамиз, Германия Бундеслигасининг янги мавсуми 23 август куни Мёнхенгладбахнинг "Боруссия" – "Байер" учрашуви билан бошланади. Ўйин Мёнхенгладбахдаги "Боруссия-Парк" стадионида бўлиб ўтади.
