"Реал Мадрид"га Американинг Шарлотта шаҳри калити топширилди.
Мадрид клуби раҳбарлари Шарлотт-Мекленбург ҳукумат марказида бўлиб ўтган тадбирда Шарлотт шаҳар кенгашидан калитни олдилар.
Маросимда "Реал Мадрид"нинг халқаро институционал алоқалар бўйича директори Эмилио Бутрагеньо, профессионал футбол директори Сантьяго Солари ва клубнинг собиқ ҳимоячиси Роберто Карлослар иштирок этишди.
Уларни мэр вазифасини бажарувчи Данте Андерсон қабул қилди. Бунга жавобан клуб вакиллари унга "Реал Мадрид" стадиони макетини совға қилишди.
7 август куни мадридликлар Шарлоттда "Челси" билан ўртоқлик учрашуви ўтказади.
