"ПСЖ" бош мураббийи Луис Энрике "Наполи" ҳужумчиси Виктор Осимхенни қўлга киритиш фикрини маъқулламади.
Парижликлар нигериялик футболчи учун асосий даъвогарлардан бири бўлиб турибди, унинг учун "Наполи" тахминан 100 миллион евро талаб қилмоқда. Бироқ, журналист Djameel'нинг фикрича, француз гранди бош мураббийи 25 ёшли форварднинг трансферига иштиёқ билан қарамаяпти. Испаниялик мураббийнинг фикрича, бундай турдаги футболчи унинг жамоасига тўғри келмайди.
Виктор Осимхенни сотиб олишга Лондоннинг “Арсенал” ва “Челси” клублари ҳам қизиқиш билдирмоқда.
