"Пахтакор" ва "Локомотив" жамоалари ўртасидаги баҳсдан кейинги матбуот анжуманида аввал меҳмонлар бош мураббийи Ҳаким Фузайлов иштирок этди.

Ҳаким Фузайлов:
— Чемпионатда муросасиз ўйинлар кўпайиб бораётганидан хурсандман. Бугун ўйин ҳам принципиал аҳамиятга эга бўлди. Ўйин эса қийин бўлди. Ўйин ҳар иккала жамоа асабий бошланди. Бу ҳолат футболчиларга ўз т аъсирини кўрсатди ва ўйин у қадар томошабоп чиқмаган бўлиши мумкин. Бундан ташқари, натижа жамоаларга босим ўтказди. Қийин кечган ўйинда 3 очкони қўлга киритганимиздан хурсандман. Тенгма-тенг ўйинда омад бизга омад кулиб боқди.

— Иккинчи бўлимда амалга оширган ўйинчи алмаштириш борасида нима дея оласиз?
— Тезкор Санжар Турсуновни майдонга туширдим. У вазиятларни яхши ярата олади. Бу орқали "Пахтакор"нинг ҳимоясига босим ўтказишни мақсад қилгандим. Ундан аввалроқ эса Дилшод Раҳматуллаевни майдон марказини мустаҳкамлашни мақсадида туширгандим. Биринчи бўлимда айнан майдон марказида ўйинни рақибга бой бериб қўйгандик.

— Мавсум бошидан буён жамоа қанчалик ўсишга эришди?
— Биз ҳамон ривожланиш босқичидамиз. Жамоага янги қабул қилинган футболчилар ҳали ўзаро тўлиқ тил топишиб кетишмаган. Сафимизда тажрибали футболчилар етарли. Уларнинг маҳорати эвазига ҳозирча керакли натижаларни қўлга киритяпмиз. Клуб раҳбарияти олдимизга жиддий эса вазифалар турибди. Жамоа олдига чемпионликни қўлга киритиш вазифаси қўйилган. Биз ишлашда ва яхши жамоа шакллантиришда давом этяпмиз.