"Бавария" ярим ҳимоячиси Йозуа Киммих келажаги ҳақида бир қарорга келди. Журналист Санти Уна хабарига кўра, немис ярим ҳимоячиси яна камида бир мавсум "Альянц Арена"да қолишга қарор қилган.
Манбанинг хабар беришича, футболчининг қарори якуний ҳисобланади. Киммихнинг "Бавария" билан амалдаги шартномаси келаси ёзда тугайди, шунинг учун ярим ҳимоячи бир йилдан кейин эркин агент сифатида кетиши эҳтимоли бор.
Шу билан бирга, "Бавария" 29 ёшли Йозуа билан шартномани узайтиришни истисно этмаяпти.
Эслатиб ўтамиз, ушбу трансфер ойнасида Киммих турли жамоаларга ўтиши мумкин эди. Даъвогарлар рўйхатидан "Манчестер Сити", Каталониянинг "Барселона" ва "ПСЖ" клублари бор эди.
