"Лейпциг" ярим ҳимоячиси Дани Ольмо фаолиятини "Барселона"да давом эттиради. Бу ҳақда инсайдер Фабрицио Романо хабар бермоқда.
Айни пайтда Дани Ольмо "Барселона" учун тиббий кўрикдан ўтишган ва шартнома имзолаш учун Каталонияга етиб келди.
Таъкидланишича, Ольмонинг хариди "Барселона"га 55 миллион евро ва 7 миллион бонусга тушади.
Ярим ҳимоячининг ўзи каталонияликлар билан олти йиллик меҳнат шартномасини имзолайди.
Ўтган мавсумда Ольмо барча мусобақаларда 25 та ўйин ўтказиб, 8 та гол урди ва 5 та голли узатмани амалга оширди. Айтиш жоизки, Ольмо шу ёзда Испания терма жамоаси билан Европа чемпионига айланди.
