"Лейпциг" ярим ҳимоячиси Дани Ольмо келаси пайшанба, 8 август куни "Барселона"га ўтиш учун тиббий кўрикдан ўтади. Бу ҳақда Sport.es хабар бермоқда.
Манба берган хабарга кўра, испаниялик футболчи тиббий кўрикдан ўтганининг эртасигаёқ бўлажак жамоадаошлари билан машғулотларда иштирок этиши мумкин. Таъкидланишича, Ольмонинг "Барселона" футболчиси сифатида расмий тақдимоти жума (9 август) ёки шанба (10 август) куни бўлиб ўтиши мумкин.
Ўтган мавсумда ярим ҳимоячи клуб ва терма жамоа сафида барча турнирларда 32 та ўйинда қатнашиб, 13 та гол ва 7 та голли узатмага муаллифлик қилган. Футболчининг "Лейпциг" билан амалдаги меҳнат шартномаси 2027 йилнинг ёзига қадар амал қилади.
