«Реал Мадрид» Эндрикга ортиқча босим ўтказмасликни истамоқда.

"The Athletic" хабарига кўра, бразилиялик футболчи машғулот вақтида Карло Анчелотти ва «Реал Мадрид» мураббийлар штабини ҳайратда қолдирган ва Мадрид клуби директорлар кенгаши аъзоларидан бири форвардни «феномен» деб таърифлаган.

Клуб Эндрикни «Реал»нинг асосий жамоасида ўйнашга тайёр деб ҳисобласа-да, 18 ёшли бразилияликнинг мослашуви босқичма-босқич амалга оширилади. Эндрик мавсум бошида тўлиқ ўйин амалиётига эга бўлиши кутилмайди, лекин кейинроқ бошланғич таркибга кириш имкониятига эга бўлади.

Қайд этилишича, клуб «Барселона»да 19 ёшли Витор Роке дуч келган вазиятдан қочиш учун Эндрикни хавф остига қўйиб, унга босим ўтказмоқчи эмас.