Франциянинг Париж шаҳрида ёзги Олимпиада баҳсларида бокс мусобақалари ҳам давом этмоқда.

-71 кг вазн тоифасида ҳаракат қиладиган Асадхўжа Мўйдинхўжаев турнирдаги учинчи жангини АҚШ вакили Омари Жонсга қарши ўтказди.

Биринчи раунд 4:1 ҳисобида Асадхўжанинг фойдасига ҳал бўлди. Мўйдинхўжаев иккинчи раундни ҳам ўзиники қилди (3:2).

Учинчи раунд эса 4:1 ҳисобида АҚШлик боксчининг фойдасига ҳал бўлди. Якуний натижа — 3:2 (30:27, 29:28, 29:28, 27:30, 28:29). Ҳамюртимиз финал жангини 9 август куни мексикалик Марко Альваресга қарши ўтказади.

Асадхўжа Мўйдинхўжаев мусобақадаги илк жангини мисрлик Омар Элавадига қарши ўтказиб, мутлақ устунлик қилиб ғалаба қозонган эди. Иккинчи жангда даниялик Николай Тертерян таслим этилганди.