"Бавария" ёзги трансфер ойнаси ёпилгунга қадар тўртта сотув трансферини амалга оширишни кутмоқда.
Гап марказий ҳимоячи Маттейс де Лигт ва ўнг қанот ҳимоячиси Нуссайр Мазрауи ҳақида кетмоқда - "Манчестер Юнайтед" иккаласини ҳам қўлга киритишга ҳаракат қилмоқда. Бундан ташқари, мюнхенликлар вингер Брайан Сарагосани ижарага бериб, Кингсли Команни сотиш ёки ижарага бериш вариантини топмоқчи, дея хабар беради журналист Флориан Плеттенберг. Қолган барча футболчилар ёзда жамоани тарк этиши кутилмаяпти.
Transfermarkt портали Де Лигтнинг нархини 65 миллион евро, Мазрауи 30 миллион, Сарагоса 12 миллион ва Команни 50 миллион деб баҳолаган.
