"Манчестер Юнайтед" марказий ҳимоячиси Виктор Линдёлоф ёзда янги клуб топишда қийналмоқда.
Швециялик футболчининг "қизил иблислар" билан шартномаси бир йилдан кейин тугайди ва клуб ҳозироқ футболчини сотишга тайёр. Бироқ, буни амалга ошириш осон эмас, чунки потенциал харидорларни 30 ёшли футболчининг юқори маоши тўхтатмоқда, дея хабар беради журналист Жеймс Дакер. Италия А Серияси ва Туркия Суперлигаси клублари марказий ҳимоячига кўз тикишди, аммо улар ҳеч қачон аниқ таклифлар билан чиқишмади.
Виктор Линделоф 2017 йилдан бери "Манчестер Юнайтед"да ўйнаб келмоқда. Ўтган мавсумда футболчи Эрик тен Хаг жамоасида 28 та ўйинда майдонга тушиб, бир марта гол урган ва бир марта голли узатма берган.
