ЦСКАнинг селекционер-мураббийи Алан Дзагоев Аббосбек Файзуллаевни "Реал Сосьедад" даражасидаги клубга ўтишини тахмин қилди.

— ЦСКА селекционерлари биринчи навбатда қайси бозорларга қарашади? Қайси худудларга?

- Ҳамма жойга қараймиз. Уругвай, Бразилия, Чили ва Мексика. Масалан, мен Мисрга бориб, у ердаги футболчиларни кузатиб бордим. Марокашликларни кузатамиз. Қизиқарли эронликлар бор. Ҳамма жойда қобилиятли йигитлар бўлиши мумкин.

Ҳозир ўзбекларда яхши авлод етишиб чиқди. Май ойида улар U23 Осиё Кубоги финалида Японияга қарши ўйнашди. Мен ўша учрашувни томоша қилганман. Умуман олганда, менга икки ёки учта йигит ёқди.

— Ўзбеклар ҳақида гапирдингиз. Файзуллаев қишда ёки кейинги ёзда Европанинг топ-клубига кетса, ҳайрон қолмайсизми?

- Ҳайрон бўлмасдим.

- Қайси даражадаги жамоа?

- "Барселона"га эмас, бешинчи ёки олтинчи ўриндаги клубга.

- "Реал Сосьедад"гами?

- Шундай. Агар Аббос ўша савияда ўйнашда давом этса, бир-икки йилдан кейин уни ЦСКАда кўрмаслигимиз мумкин", - деди собиқ футболчи, ҳозир эса ЦСКАнинг селекционер мураббийи бўлиб ишлаётган Дзагоев.