"Астон Вилла" Жон Дуранни Саудия Арабистонига сотиш бўйича келишувни ёпиши биланоқ Жоау Феликсга таклиф билан чиқади. Бу ҳақда журналист Эктор Гомес хабар бермоқда.
Биринчи таклиф 40 миллион евродан ошмайди, чунки "Астон Вилла" футболчининг ҳозирги бозор қиймати "Атлетико" сўраётган 60 миллиондан кам эканлигини ва Феликснинг ўзида ҳам кўп таклифлар йўқлигини билади.
Ҳужумчининг трансфери Унаи Эмери учун шахсий чақирув, чунки Эмери Феликсни юлдузга айлантира олишига ишонади.
Ўтган мавсумда 24 ёшли португалиялик футболчи "Барселона"да ижара асосида ўйнади.
Унинг ҳисобида 44 та ўйинда 10 та гол ва 6 та голли узатма бор.
