Килиан Мбаппе ўзининг янги жамоаси "Реал"да машғулотларни бошлаш арафасида. Мадридликлар ҳужумчиси Винисиус Жуниор франциялик футболчининг таркибдаги кўриниши ҳақида фикр билдирди.
"Бу шафқатсиз бўлади. Умид қиламанки, биз ажойиб ишларни қила оламиз. Биз Мбаппега ёрдам беришимиз ва у имкон қадар тезроқ мослашиши учун ҳамма нарсани қилишимиз керак. Янги жамоага ўтиш ҳар доим қийин, аммо биз ўтган мавсумда майдонга тушиб, дарҳол порлаган Жуд Беллингемни эслаймиз. Умид қиламанки, Килиан билан ҳам шундай бўлади", - деди Винисиус Marca билан суҳбатда.
14 август, чоршанба куни "Реал Мадрид" УЕФА Суперкубоги учун "Аталанта"га қарши майдонга тушади.
