Европа чемпионатидан кўп ўтмай Гарет Саутгейт Англия терма жамоаси бош мураббийи лавозимини тарк этди. Ҳозирда футбол ассоциасияси терма жамоага янги бош мураббий изламоқда ва бу орада навбатдаги ўйинга бир ойча вақт қолди.
"BBC" хабарига кўра, Ли Карсли сентябрь ойида Англия терма жамоаси билан ҳамкорлик қилиши мумкин. Эндиликда бу 50 ёшли мутахассис Англия ёшлар терма жамоаси мураббийи ҳисобланади. Карсли «Уч шерлар»ни вақтинчалик бошқариши мумкин.
Келаси ой Англия терма жамоаси Миллатлар лигасида иккита ўйин ўтказади - Ирландия (7 сентябрь) ва Финляндия (10 сентябрь).
