Мадриднинг “Реал” клуби бош мураббийи Карло Анчелотти “Челси” билан 2:1 ҳисобида якунланган ўртоқлик учрашувидан сўнг “Лос-Бланкос” ярим ҳимоячиси Лука Модричнинг янги роли ҳақида гапирди.
"Бу унинг янги роли бўлиши мумкин. Бугун у ёрдамчи футболчи эди. Лука ҳам Тони Кроос каби чап томонда бўлиши мумкин. У тўпни жуда яхши ўйнайди ва жамоага катта ёрдам беради. Модрич вақтни жуда яхши бошқаради, у катта тажрибага эга... у фантастик футболчи", - дея Анчелотти сўзларини келтирмоқда Relevo.com
Модрич "Лос-Бланкос"да 2012 йилдан бери ўйнаб келмоқда. Ўтган мавсумда 38 ёшли футболчи барча турнирларда 46та ўйинда қатнашиб, иккита гол ва саккизта голли узатмага муаллифлик қилганди.
