Эртага “Андижон” Биринчи лига баҳсларининг 5-турида “Бунёдкор-2” жамоасига қарши майдонга тушади. Азамат Абдураимов шогирдларининг сафардаги бу дастлабки учрашуви бўлади.

Бунгача андижонликлар кетма-кет тўртта учрашувни ўз майдонида ўтказиб, барчасида ғалаба қозонди. “Бунёдкор-2”га қарши ўйинни ўтказиш учун жамоа кеча пойтахтга йўл олди.

Бугун Абдураимов шогирдлари Тошкентда машғулот ўтказиб эртанги баҳсга пухта тайёргарлик кўришади. Андижонликлар пойтахтга тажрибали ҳужумчи Лочин Солиевсиз йўл олишганини айтиб ўтиш керак. Бетоб бўлиб қолгани боис Солиев эртанги ўйинни ўтказиб юборади. Шунингдек, ёшлар терма жамоасига таклиф этилишгани туфайли Темур Ҳакимов билан Акмал Турсунбоев ҳам эртага майдонга туша олишмайди. Аҳмаджон Мусаев бошчилигидаги терма жамоамиз ўқув-машғулот йиғинини ўтказиш учун Португалияга жўнаб кетди.

Эслатиб ўтамиз, “Бунёдкор-2” ва “Андижон” учрашуви эртага 15:00да бошланиди.