Пекин полицияси Париж Олимпиадасининг стол тенниси бўйича аёллар ўртасидаги яккалик баҳслари финалидан сўнг ижтимоий тармоқларга хитойлик спортчилар ва мураббийлар ҳақида туҳмат аралаш фикрларни жойлаштирганликда гумонланган аёлни ҳибсга олди.
Полиция баёнотида айтилишича, аёл ғаразли тарзда маълумот тўплаган ва бошқаларга очиқчасига туҳмат қилган, натижада жамият фикрига салбий таъсир кўрсатган. Бу изоҳларнинг аниқ тафсилотлари ошкор этилмаган.
3 август, якшанба куни хитойлик Мэн Чэн ўзининг жамоадоши, айни пайтда дунёнинг биринчи рақамли теннисчиси Йингша Синни 4:2 ҳисобида мағлуб этди. Хабар қилинишича, ўйин давомида Син томонга қўллаб-қувватлаш, Чэнга эса норозилик бақириқлари янграган.
