Дунёнинг 17-ракеткаси, даниялик теннисчи Холгер Руне Новак Жокович фаолиятини давом эттиришига умид билдирди.
"Менимча, агар бунга муносиб одам бўлса, бу Новак. Қайсидир маънода у теннисдан юқори даражага ўтиб кетди.
У теннисни кейинги босқичга олиб чиқди. Шунчаки энг яхшиси у. Мен Новакдан жуда илҳомланаман ва уни яхши йигит деб ҳисоблайман.
Новак олтин медални 37 ёшида қўлга киритди ва бу унинг қай даражада ўйнаганидан далолат беради.
Умид қиламанки, у яна бир неча йил кучли формада қолади, шундан сўнг биз у билан рақобатлаша оламиз", - дея Руненинг сўзларини келтиради ATP матбуот хизмати.
