Микаэль Сильвестр Каземиронинг "Манчестер Юнайтед"даги истиқболлари ҳақида гапирди.

Олдинроқ клуб 32 ёшли ярим ҳимоячи билан хайрлашишга тайёрлиги маълум бўлганди.

"Менимча, у ҳали ҳам жамоа учун қимматли футболчи эканлигини исботлаш учун етарлича кучга эга. Энг муҳим учрашувларда у асосан ўзидан кутилган даражада ўйнади.

Каземиро ҳақида хулоса қилишга шошилмаган бўлардим. У тўғри характерга эга, мен кийиниш хонасида шундай ўйинчи бўлишини хоҳлайман. Агар жамоа яна ғалаба қозонишни истаса, унга шундай футболчилар керак.

Трансфер ойнаси ёпилишига ҳали уч ҳафта бор. Агар Каземиро яна бир мавсум қолса, ҳайрон бўлмайман, чунки "Манчестер Юнайтед" чемпионлик учун даъвогар эмас.

Агар бу даврга ўтиш даври сифатида қарайдиган бўлсак, у ҳозирги таркибда ҳамон етакчи бўлиб қолиши мумкин", - дейди "Манчестер Юнайтед"нинг собиқ футболчиси Микаэль Сильвестр.