"Манчестер Сити" ҳимоячиси Йошко Гвардиол янги мавсум бошланиши арафасида ўз фикрлари билан ўртоқлашди.
"Янги мавсумни ўтган мавсумдагидек Йошко билан бошласам, бундан хурсанд бўлмайман. Мен олдинга силжишни ва янги даражага чиқишни хоҳлайман", - деди Гвардиол City Xtra билан суҳбатда.
Хорватиялик футболчи 2023 йилнинг августидан буён “Манчестер Сити” сафида ўйнаб келмоқда. Бу вақт ичида у барча мусобақаларда 42 учрашувда қатнашиб, бешта гол урди ва учта голли узатмани амалга оширди.
10 август куни Англия Суперкубоги учун "Манчестер Сити" ва "Манчестер Юнайтед" учрашуви бўлиб ўтади. Учрашувнинг бошланиши Тошкент вақти билан 19:00га белгиланган.
