Каталониянинг "Жирона" клуби "Рома"га йўл олган ҳужумчи Артём Довбикнинг ўрнига Шотландия чемпионатидан футболчи топди.
Marca нашри хабарига кўра, ўтган мавсумда Ла Лиганинг бронза медали совриндори "Абердин" ҳужумчиси Боян Миовскига кўз тикади. Ўтган мавсумда шимолий македониялик футболчи клуб сафида 53та ўйин ўтказиб, 26та гол урган.
Transfermarkt портали маълумотларига кўра, форварднинг нархи 4 миллион еврони ташкил қилади. 25 ёшида ҳужумчи ҳали ўзининг энг юқори чўққисига чиқмаган ва "Жирона"да ривожланишда давом этиши мумкин.
Шотландияга кўчиб ўтишдан олдин Миовски Венгрияда ва ватани Шимолий Македонияда ўйнаган.
