«Ан-Наср» клуби ва Португалия терма жамоаси ҳужумчиси Криштиану Роналду пайшанба кунги катта янгиликларга жавоб қайтарди.
Роналдунинг «Реал»даги собиқ шериги ҳимоячи Пепе 41 ёшида фаолиятини якунлади. Криштиану ижтимоий тармоқ орқали Пепега хабар юборди.
«Сизнинг мен учун қанчалик муҳим эканлигингизни сўз билан ифодалаб бўлмайди, дўстим. Биз майдонда қўлимиздан келган ҳамма нарсани юта олдик. Бироқ, бизнинг энг катта ғалабамиз - бу дўстлигимиз, шунингдек, сизга бўлган ҳурматим чексиз. Акам, сен ягонасан. Ҳаммаси учун раҳмат!», деб ёзади Роналду ижтимоий тармоқда.
Эслатиб ўтамиз, Пепе Португалия терма жамоаси сафида юздан ортиқ ўйин ўтказган.
