Каземиро "Манчестер Юнайтед"да қолишга яқинлашмоқда.
Англия гранди бразилияликни ёзда сотишни режалаштирганди. Ярим ҳимоячига Саудия Арабистони чемпионати вакиллари қизиқиш билдиришган, аммо даъвогарларнинг ҳеч бири келишувга эриша олмади. Transfer News Live Sky Sports нашрига таяниб хабар беришича, Саудия клублари энди Каземиро билан шартнома имзоламоқчи эмас. Агар кутилмаган ҳеч нарса содир бўлмаса, 32 ёшли футболчи "қизил иблислар" сафида ўйнашда давом этади.
Каземиро икки йил олдин "Реал"дан "Манчестер Юнайтед"га ўтган эди. Трансфер нархи 70 миллион евродан ошди.
